Portjeri më i shtrenjtë në histori arrin në Londër për testet mjekësore

Chelsea edhe më tutje vazhdon t’a thotë fjalën kryesore në këtë merkato.

Dje klubi londinez konfirmoi largimin e Thibaut Courtois drejt Real Madridit, derisa nuk kanë kaluar as 24 orë të plota kur ekipi nga Stamford Bridge pritet t’a konfirmojë zëvendësimin e tij, shkruan GazetaBlic.

Gardiani i portës së Athletic Bilbao, Kepa Arrizabalaga, do të kaloi në kryeqytetin ishullor për shifrën e 80 milionë eurove. Ky pritet të jetë transferi i rradhës i skuadrës së Maurizio Sarrit, i cili ka ndikuar që të ndryshojë politika e klubit sa i përket tregut të transferimeve.

Nëse realizohet ky operacion transferimi, do t’a bënte Kepën si portjerin më të shtrenjtë në histori të sportit numër një rruzull.

Lojtari tashmë ka arritur në qendrën stërvitore të “bluve” për të kryer testet mjekësore, kurse lajmërimin e ka bërë faqja zyrtare e Chelseat në rrjetin social “Twitter”.