I braktisur nga të gjithë , Ritvan Zykaj nuk thotë asnjë fjalë

I qetë, i ftohtë dhe i përhumbur është shfaqur në dyert e gjykatës së Vlorës autori i masakrës së Selenicës, Ritvan Zykaj. 24-vjeçari nuk artikuloi asnjë fjalë, duke mos u përgjigjur pyetjeve të gazetarëve dhe duke mos shfaqur asnjë pendëse për aktin makabër. Zykaj është braktisur nga të gjithë dhe është i vetëm në sallën e gjyqit, ndërkohë asnjë avokat nuk e merr përsipër. Ritvan Zykaj vrau me kallashnikov disa ditë më parë tetë kushërinjtë e tij për motive të dobëta. Menjëherë pas kryerjes së krimit, 24-vjeçari u largua nga vendngjarja për t’u kapur nga policia 12 orë pas kryerjes së krimit.