“Bujanoci më 1947 ishte pjesë e Kamenicës”

Kryetari i Lëvizjes Vatra, Kushtrim Kadriu po pretendon se Bujanoci ishte me Komunën e Kamenicës pas Luftës së Dytë Botërore. Për këtë Kadriu ka ofruar edhe dokumente të vjetra 70 vjeçare si dëshmi. “Dokumenti është një certifikatë e notave, certifikatë e kursit të anti analfabetizmit dhe një parcelë kadastrale”, shprehet për Klan Kosovën, Kushtrim Kadriu. I pari i Vatrës thotë se ka edhe dokumente tjera që dëshmojnë se këto treva kanë qenë pjesë e Kosovës. “Dokumenti i parcelës kadastrale është shumë i rëndësishëm, sepse dëshmon se Bujanoci ka qenë pjesë e Kosovës”, shprehet më tej ai. Ai thotë se trevat shqiptare me pajtimin e Titos iu dhanë Serbisë, ndërsa Kosova përfitoi vetëm Leposaviqin. “Kjo u bë me qëllimin e vetëm që të bëhet një përzierje e popullatës, që gjoja edhe në Kosovë ka serb, e Serbi ka shqiptarë”, thotë Kushtrim Kadriu, kryetar i Lëvizjes Vatra. 

Për video kliko këtu