Sllovenia alarmohet nga milicia e armatosur e një politikani

Presidenti i Sllovenisë, Borut Pahor ka shprehur shqetësim për disa pamje të shpërndara në rrjetet sociale, në të cilat shihet një grup i armatosur me maska, që udhëhiqet nga një ish-kandidat presidencial, Andrej Sisko.

Politikani Sisko ka thënë se grupi i tij është parë duke kryer stërvitje me qëllim të "ruajtjes së paqes dhe rregullit" nëse ka nevojë. 

Pahor në anën tjetër ka thënë se nuk ka vend për një grup të tillë një shtetin "e sigurt". Ndërkohë, policia ka nisur hetim për këtë grup, i cili është parë me armë, mirëpo ka mohuar se i përket njësisë paramilitare. 

Në disa pamje të publikuara në Facebook, shihen rreth 70 persona të maskuar duke kryer një "betim solemn". Grupi drejtohet nga Sisko, i cili më herët ka qenë në burg për tentim-vrasje. 

Në disa pamje të publikuara në Facebook, shihen rreth 70 persona të maskuar duke kryer një "betim solemn". Grupi drejtohet nga Sisko, i cili më herët ka qenë në burg për tentim-vrasje. 

Ai pati fituar 2.2 përqind të votave vitin e kaluar, kur ka garuar për president në shtetin e vogël evropian. 

Kabineti i presidentit Pahor ka thënë se "Sllovenia është shtet i sigurt në të cilin nuk i lejohet asnjë personi të paautorizuar të kujdeset në mënyrë të paligjshme për sigurinë e shtetit apo kufijve". Sisko, në anën tjetër ka pretenduar se grupi në fjalë nuk është duke bërë asgjë joligjore.