“Messi” i Kosovës: Do të japim maksimumin nga vetja!

Njëri nga futbollistët më të mirë në Përfaqësuesen e Kosovës, Edon Zhegrova është optimist për rezultate pozitive në dy ndeshjet e para në Ligën e Kombeve.

Zhegrova i njohur me nofkën “Messi” i Kosovës, thotë se po punohet më përkushtim të madh në përgatitjet para sfidës me Azerbajxhanin dhe Ishujt Faroe.

Kosova këtë të premte përballet me Azerbajxhanin në fushën e kësaj të fundit, kurse, më 10 shtator, Kombëtraja jonë ballafaqohet me Ishujt Faroe në “Fadil Vokrri”.

“Kushtet për stërvitje janë të mira. Ekipi është mjaft mirë , po punohet me shumë përkushtim dhe unë besojë në rezultate të mira. Jam plotësisht i gatshëm për këto dy sfidat e para të Ligës së Kombeve. Do të japim maksimumin nga vetja duke qenë se vetëm si lider i grupit mund të kualifikohemi”, ka thënë Zhegrova./RTk/