Të enjten dalin në shitje biletat për ndeshjen Kosovë – Ishujt Faroe

Federata e Futbollit e Kosovës ka bërë të ditur se biletat për ndeshjen ndërmjet Përfaqësueses së Kosovës dhe asaj të Ishujve Faroe, e cila zhvillohet më 10 shtator, do të dalin të enjten.

Po ashtu FFK ka njoftuar edhe për çmimet dhe pikat e shitjes së tyre. Biletat mund të blihen në pikat e shitjes së Kompanisë IPKO, ndërsa çmimet e tyre janë 2, 3, 5, 10 dhe 50 euro.