Moment paniku në ndeshjen Gjermani – Francë (FOTO)

Ndeshja në mes Gjermanisë dhe Francës, e vlefshme për Ligën e Kombeve, nisi me një moment paniku, që trembi jo pak drejtuesit dhe lojtarët e “gjelave”.

Në minutën e 4-t, mbrojtësi i Gjermanisë, Rudiger, në një përpjekje për të larguar topin, shkeli me takë në zonën e qafës, mbrojtësin e Francës, Pavard. Për fat të mirë, 22-vjeçari nuk pati probleme të rënda dhe e kaloi këtë incident me vetëm një gërvishtje të qafës. Pavard iu rikthye sërish fushës së blertë, pas një kontrolli të mjekëve.