Universiteti i Prishtinës në rangimin global prezantohet me flamur të Serbisë

Universiteti i Prishtinës ”Hasan Prishtina” u raportua se është renditur më nivel më të lartë në ranglistën e universiteteve më të mira në botë nga Webometrics. Por, në lidhje me këtë, Klan Kosova ka gjetur se në listat e publikuara, Universiteti i Prishtinës është paraqitur me flamur të Serbisë, njofton Klan Kosova. Në këtë rangim, të cilit i nënshtrohen më tepër se 12.000 universitete nga mbarë bota, Universiteti publik me i rëndësishëm i Kosovës për një kohë relativisht të shkurtër ka lëvizur në pjesën më të lartë të renditjes së universiteteve botërore.