Lutfi Haziri përsëri me kritika ndaj bashkëpartiakëve: Mos shitni mend për vota

Nënkryetari i parë i LDK-së dhe njëherit kryetari i komunës së Gjilanit, Lutfi Haziri, përsëri ka shpërthyer në kritika ndaj bashkëpartiakëve të tij, Armend Zemajn dhe Haxhi Avdylin.

Lutfi Haziri është deklaruar edhe më herët pro bashkimit të Preshevës, Medvegjës dhe Bujanocit me Kosovën dhe kjo ka shkaktuar përçarje midis tij dhe një pjese të deputetëve të LDK-së, transmeton lajmi.net

Ai përveç Armend Zemajt dhe Haxhi Avdylit, ka kritikuar gjithashtu ashpër edhe Vjosa Osmanin duke iu referuar si “nusja e Preshevës”, duke i thënë se “po shet mend për të fituar vota”.

Më tutje në statusin e tij të publikuar në Facebook, ai ka thënë se Kosova Lindore do të jetë pjesë e Kosovës dhe se ai vet do ta sjellë Preshevën, Medvegjën, Bujanocin e bashkë me to edhe autostradën e hekurudhen.