SUPERLIGA/ Trajneri Ismet Munishi ka treguar se pse është larguar kaq shpejtë nga Besa.

Trajneri Ismet Munishi ka treguar se pse është larguar kaq shpejtë nga Besa. Ai deklaroi që fajtore ishte kryesia e klubit. “Përfundimisht vendosa të largohem nga Besa. Arsyet kryesore janë çasja aspak korrekte nga kryesia. Dorëheqja është çështje principesh dhe edukatës sportive që i kam, jo se kam pasur oferta tjera”, deklaroi Munishi për Futbolli i Kosovës, përcjellë Gazeta Olle. Ai tregon se si ka refuzuar oferta tjera për t’i thënë “po” Besës. “Më herët kam pasur oferta nga shumë skuadra të Kosovës dhe të Shqipërisë, por i besova Besës. Tani jam i lirë dhe nëse ka ndonjë ofertë serioze nga ndonjë klub, do ta pranojë”, shtoi Munishi. Tekniku i njohur dha dorëheqje dje nga skuadra pejane. I pyetur se a është në bisedime me Dritën ai u përgjigj, Jo nuk jam në bisedime me Dritën,atyre ju uroj suksese dhe kam respekt për tifozët ‘Intelektualët’ Munishi e la Besën në pozitën e parë me 7 pikë të tubuara.