Untitled

Prishtina pas pesë xhirove të para në elitën e futbollit kosovar nuk i ka arritur rezultatet dhe lojën që e pretendojnë tifozët e saj, raporton Insporti. Prishtina ndodhet e katërta në tabelë me tetë pikë të mbledhura, pesë më pak se lideri Flamurtari. Përzgjedhësi i Kosovës U-17, Besnik Kollari, i ftuar në emisionin 2 me 1 në RTV 21, zbulon se çka po i mungon Prishtinës në këtë fillim të kampionatit. “Prishtinës po i mungon një mesfushor që i shërben sulmuesit me topa. Gjithsesi, besoj se trajneri Mirel Josa do ta konsolidojë ekipin në javët në vijim”, ka thënë Besnik Kollari. Ai vite më parë ka qenë trajner te Prishtina derisa gjatë karrierës si futbollist ka luajtur për ekipin kryeqytetas.