SUPERLIGA E pabesueshme: Ja sa është buxheti i Feronikelit për një muaj

Feronikeli është njëri ndër klubet me stabilitetin më të mirë financiar në futbollin kosovar. Ekipi nga Drenasi është “rehatuar” pasi që klubin e ka marrë tashmë nën menaxhim biznismeni i njohur kosovar Naser Ramaj, raporton Gazetasheshi.com. Shpenzimet mujore për një muaj te Feronikeli kalojnë shifrën e 70 mijë eurove. Këtë e ka zbuluar ish-futbollisti i njohur kosovar Muhamet Dragusha, i cili deklaroi se ka burime të sigurta brenda klubit të “Niklit” për shpenzimet mujore që ka ky klub. “Mund të ju konfirmoj se brenda mujit Feronikeli i shpenzon mbi 70 mijë euro, kam burime të sigurta brenda klubit”, deklaroi Dragusha në emisionin “Dueli Sportiv” në RTV Dukagjini. Nëse Feronikeli shpenzon 70 mijë euro për një muaj, atëherë brenda një viti i bie se hargjon 840 mijë euro, ndërkohë me shpenzimet tjera për faza përgatitore dhe gjëra shtesë kjo shifër mund të arrijë deri në 1 milionë euro.