Ndodh edhe kjo, presidenti i BE-së ka dyshime për raportet e Thaçit me Kolindën

Presidenti i Këshillit Evropian, Donald Tusk, ka bërë një gjest të çuditshëm në takimin me presidentin Thaçi. Diçka e pazakontë ka ndodhur dje gjatë një takimi në ndërtesën e OKB-së kur delegacioni i Kosovës është takuar me presidentin e BE-së, Donald Tusk.  

Polaku ende pa u ulur i është drejtuar Thaçit për një fotografi që e kishte publikuar me presidenten kroate. "Të pashë me Kolindën në Instragam...", ka thënë Tusk, derisa e ka drejtuar gishtin në drejtim të Thaçit.  

Pas kësaj ka reaguar ambasadorja Çitaku duke thënë në shqip se Tusk "paska xhelozu", ndërsa Thaçi në anglishten e thyer është përgjigjur “Strategjik partners, Kosovo end Kroejsha”.