Ylli i Man City rrezikon pezullimin, iu vërsul me grushte kundërshtarit

Kampioni i Premierligës Manchester City i mori edhe tri pikë tjera tejet të rëndësishme kundër Tottenhamit të hënën mbrëma fal golit të hershëm të Riyad Mahrezit, por një incident kah fundit i takimit mund t’i kushtojë mbrojtësit të tij me pezullim.

Mbrojtësi i majtë francez, Benjamin Mendy, iu vërsul me grushte Eric Lamelas së Tottenhamit në minutën e 91-të, pasi ky i fundit e kishte shtyrë nga prapa, transmeton Express. Fatmirësisht francezit i dolën plotësisht huq goditjet. Ky veprim i tij kaloi pa u vërejtur nga gjyqtarët, por përdoruesit e rrjeteve sociale duan që fituesi i Kupës së Botës të ndëshkohet për këtë. Nuk iu desh shumë atyre për t’i vërshuar rrejtët sociale me pamje nga ky incident dhe me kërkesa që ai të ndëshkohet.