Kualifikohet Kroacia, serbët akuzojnë presidenten për provokim

Kroacia pas fitores ndaj Sllovakisë edhe zyrtarisht e ka siguruar kualifikimin në kampionatin Evropian 2020. Kroacia fitoi me rezultat 3:1 për ta mbyllur në pozitën e parë këtë kampanjën kualifikuese, shkruan Zëri, transmeton RilindjaShqiptare. Në festën kroate ka qenë edhe presidentja Kolinda Grabar e cila vazhdimisht është pjesë e kombëtares së Kroacisë. Megjithatë një detaj që i ka penguar serbët është një postim që ka bërë presidentja para ndeshjes me Sllovakinë. “Fat në ndeshjen e sotme, luani për ne, për Kroacinë për Vukovarin”, ka shkruar Kolinda në Facebook, postim ky që i ka prekur shumë mediat serbe. “Çka ka të bëjë në këtë mes Vukovari. A mos vallë ajo po i provokon serbët”, ka shkruar Kurir i cili aspak mirë nuk e ka pritur festën kroate.