Qytetarja nga Durrësi: Jemi shumë falënderues ndaj Kosovës, po ndihmon më shumë se vet Shqipëria në

Lëkundjet e tërmetit që ka ndodhur në mëngjesin e hershëm kanë prekur më së rëndi Qarkun e Durrësit.

Në një lidhje direkte nga Durrësi për edicionin e lajmeve në RTV Dukagjini, qytetarja Debora Bakiasi ka rrëfyer momentet e vështira që po kalojnë banorët e këtyre zonave.

Ajo ka thënë se përpos numrit të madh të viktimave Durrësi është goditur mjaft rëndë në aspektin e dëmeve material.

“Nuk po lëvizet sa duhet. Situata është e tmerrshme si në Durrës apo zonat tjera”.

Bakiasi ka thënë se një pjesë e banorëve që kanë pasur mundësi kanë ikur në qytete tjera ndërsa sipas saj një pjesë tjetër është vendosur në stadium.

Durrsakja ka thënë se janë shumë falënderues ndaj Kosovës për ndihmën e ofruar për banorët e prekur.

“Ne jemi një shtet, dihet. Por Kosova ka bërë çmos që ne ta kalojmë situatën. Madje kanë bërë më shumë se vet shteti ynë”, shtoi më tej qytetarja nga Durrësi, Debora Bakiasi.