Trump pas votimit për shkarkim: Kjo është vetëvrasje për Demokratë

Presidenti Trump ka reaguar në kohë reale pas vendimit historik të Dhomës së Përfaqësuesve për ta shkarkuar nga posti. 

Gjatë një tubimi në Michigan, Trump e ka quajtur votimin “partiak, jokushtetues dhe ilelag”. 

“Kjo është një vetëvrasje për Demokratët. A nuk i keni parë sondazhet për mua në javët e fundit? Demokratët donin që të më shkarkonin nga dita e parë, në fakt që para se të garoja”, u ka thënë Trump përkrahësve të tij, raporton KTV.  

Dhoma e Përfaqësuesve voton shkarkimin e Trumpit 

03:11

Pas një debati 8 orësh me shumë përplasje, Dhoma e Përfaqësuesve e Kongresit amerikan ka votuar të dy nenet që kërkojnë shkarkimin e Presidentit të SHBA-së, Donald Trump. 

Neni 1 që e akuzon Trumpin për “abuzim me pushtetin” ka marrë 230 vota të demokratëve, kurse kundër kanë qenë 197 republikanë, raporton KTV-ja. Edhe neni i dytë – “pengimi i Kongresit”, e ka kaluar shumicën e nevojshme prej 216 votave. 

Gjykimi i Trumpit me mundësinë e rrëzimit të tij pritet të ndodhë në janar në Senatin që numëron 100 senatorë. Aty duhen 2/3 e votave, që Demokratët nuk i kanë, pasi që kjo dhomë e Kongresit kontrollohet nga Republikanët. 

Republikani Trump është presidenti i tretë në histori për të cilin Dhoma e Përfaqësuesve voton për shkarkim, pas Andrew Johnsonit në vitin 1868 dhe Bill Clintonit në vitin 1998.