Cilësia e ajrit sot në Prishtinë është e mirë, befason Fushë Kosova (Harta)

Përkundër që temperaturat mbesin të ftohta (prej -1 deri në 6 gradë) dhe qytetarët vazhdojnë të përdorin thëngjill për ngrohje, cilësia e ajrit në Prishtinë është mjaft e mirë. 

Nuk dihet se çka ka ndikuar një gjë e tillë, por aktualisht niveli i ajrit është 40 sipas Konsullatës së ShBA-ve në Prishtinë. Nivel i njëjtë regjistrohen si në lagjen Arbëria (Dragodan) e po ashtu edhe në qendër të qytetit. 

Ndërkohë, gjendje edhe më e mirë është në Fushë Kosovë ku regjistrohet niveli 21, edhe përkundër afërsisë me termocentralet në Obiliq, përcjell Periskopi. 

Burimi primar i ndotjes shkruhet të jetë monoksidi i karbonit, i cili lirohet pikërisht nga djegia e thëngjillit dhe lëndëve tjera djegëse.